Luringar på tunet

Torsdag sneik ein utanlandsk blomeseljar seg inn på Luranetunet. Utan å venda seg til betjeninga først, gjekk vedkomande rundt og selte blomar til fleire som bur på tunet.

- Då dei tilsette oppdaga det kontakta dei oss. Men då var også seljaren vekke, fortel politiet.

Også i Varåsen var ein utanlandsk pengejegar på dørene til folk. Ein mann som utga seg for å vera både døv og stum, heldt fram ein lapp med tekst.

Kva han ville veit politiet ikkje, meldar tok seg ikkje tid til å lesa lappen før han sendte tiggaren vekk og ringte politiet. Politiet var opptatt og møtte ikkje igjen mannen, som gjekk i kamuflasjejakke og kvite joggesko.