Lyttelos

Slik du aldri har høyrt Grieg før

Klassisk musikk – kva skal vi eigentleg lytte til? Kva er det med denne musikken som rører ved kjenslene våre? Har du lyst å lære kva som skil ei framføring frå ei anna?
 
I dette foredraget tek lyttelos Annabel Guaita oss gjennom Greigs A-mollkonsert.  
Foredraget er morosamt, interessant og krev inga forkunnskap.
Edvard Grieg var 25 år gamal då han i 1868 komponerte «Amollkonserten» for klaver og orkester opus 16. Verket har sidan den gong vore framført over heile verda, og av vidt forskjellige orkester og pianistar. Vi skal lytte til ulike innspelingar heilt tilbake frå 1921. Korleis har ideala for pianospelet endra seg? Det er kjempegøy og faktisk ganske enkelt å høyre forskjell når vi samanliknar same, korte parti framført av ulike pianistar.
 
Annabel Guaita formidlar klassisk musikk på heilt nye måtar – slik at du får meir ut av lytteopplevinga. Når ho har losa deg gjennom lytteopplevinga vil du både føle og reflektere meir når du lyttar til musikk. Gjennom sine utselde foredrag på Litteraturhuset i Bergen for BFO har ho klart å trollbinde publikum og åpne dørene inn til klassisk musikk på ein måte som ikkje har blitt gjort tidlegare.
Du vil få ei annleis og spanande musikkoppleving – og blir fortruleg med klassisk musikk på eit heilt anna vis enn før.
 
 
«Lyttelos gjorde møtet med musikken rikare og meir tilgjengeleg på ein lettfatteleg måte», Marius Helle, publikum.
«Annabel Guaita er ein pedagogsik, morosam og kunnskapsrik formidlar som har publikum i si hule hand.» Lene Bergmann, publikum.
               
               
Pianist og musikkformidlar Annabel Guaita har lang erfaring med å kommunisere musikk til ulike menneske, på ulike måtar.
Ho er klassisk utdanna pianist med mastergrad i klarverspel og doktorgrad på den norske komponisten Fartein Valen. Ho har spesialisert seg i det 20. århundrets musikk og samarbeida med ei rekke norske musikarar og samtidskomponistar. I 2011 blei hennar første solo-cd L'Altra Beltá gheven ut på selskapet Lawo Classics med musikk av Valen.
Samstundes var ho svært aktiv som utøvar og spelte på ulike konsertseriar og festivalar i Norge, i tillegg til å turnere i USA, Sør-Amerika og Finland.
Sidan 2012 har Annabel haldt konsertproduksjonar og hatt samtalar med utøvarar og komponistar under Festspillene i Bergen. Ho har også holdt musikkføredrag for Bergen Filharmoniske Orkester og turnert for Fylkeskonsertane Hordaland med formidling av klassisk musikk til barn og unge.
Mellom 2016 og 2018 var ho formidligsleiar på komponistheimane i KODE.
 
Varer omlag 2 timar
Ord. 250,-
 
Følg gjerne vårt Facebook-arrangement!
 

Oseana Kunst & Kultursenter

Lørdag, februar 8, 2020 - 16:00