Må bygga ny base av frivillige

EU si forordning for personvern, The General Data Protection Regulation (GDPR), blir norsk lov i 2018. Les meir om lova på datatilsynet.no.

Endringa berører ei rekkje norske firma og organisasjonar, blant anna Osfest.

– For vår del handlar det først og fremst av basen vi har av folk som jobbar som frivillig under Osfest og dei andre arrangementa våre, seier Tor Egil Hylland.

Til kvar festival har det vore rundt 300 frivillige i sving med blant anna rigging, servering og artistpleie. Til saman hadde Osfest rundt tusen frivillige i databasen sin.

– Vi har ikkje lov å bruka denne databasen så mykje lengre, og må no bygga basen på nytt så alt er i tråd med den nye loven.

Solid verktøy og trygg lagring

Tida med lister i excel er for lengst forbi, Osfest har dei siste åra kjøpt lisens for bruk av profesjonell festivaldatabase frå Arkon.

– Her har vi alle involverte ført inn, frå frivillige til artistar.

– Kva opplysingar har de hatt lagra?

– Vi har både namn, adresse, fødselsdato og personnummer på alle, men personnummeret er skjult i databasen, også for oss arrangørar. Vi som arrangør treng å veta alder på dei frivillige, mens styresmaktene har krav om også å ha personnummer i ein slik database.

– Føler oss heldige

Gjennom vinteren har Osfest-arrangørane systematisk kontakta tidlegare frivillige for å få dei inn i ny base. Dei har oppretta Facebook-sida «Frivillige til Osfest 2018» og dei har stått på stand.

– Vi har vore på Amfisenteret for å hjelpa folk å registrera seg på nytt, og vi skal i dag på Vårsleppet i Os sentrum.

Til no er Osfest oppe i rundt 100 namn på den nye lista.

– Vi har hatt mange nok til både festivalen og på Nore Neset før nyttår kvart einaste år. Vi føler oss heldige som opplever dette engasjementet, det er det langt frå alle andre festivalar som gjer.

– Eg er ikkje uroa for Osfest, det som hastar litt no er konsertane i Vognhallen 9. juni. Der treng vi 40-50 frivillige.

• Midtsiden samleside: Osfest

Osfest-programmet for 2018 blei i førre veke komplett:

Fredag 10. august:
Violent Gin
Majorleap
Stavangerkameratene
Madcon
Ammunition

Lørdag 11. august:
Vanja V.
Endre Nordvik
Tone Damli
Morten Abel
Staut
Eirik Søfteland