Lokal | 20. des. 2012
Må sitta inne i jula
Ein osing i 20-åra må tilbringe jula bak murane etter å ha brote besøksforbod sist helg.
Andris Hamretorsdag 20. des. 2012 10:47
I helga måtte politiet ta seg av ein mann som hadde oppsøkt ei adresse han ikkje hadde lov til. Tysdag blei han framstilt for varetektsfengsling i Nordhordland Tingrett.
- Han blei varetektsfengsla til 15. januar, men fekk samstundes dom, fortel politiførstebetjent Audun Hadler-Olsen.
Når først mannen var i retten blei han også tiltalt for fleire andre forhold.
- Domstolen utferdiga ei sokalla tilståelsesdom sidan mannen innrømma dei tinga han var tiltalt for.
Totalt blei 20-åringen dømd til 85 dagar i fengsel. Han må nok difor rekna med å bli sittande ei stund etter at varetektsfengslinga går ut.