Mælands Kayser er avduka
Joachim Rønneberg (92) avduka i dag Arne Mæland si bronseskulptur av Rønnebergs medsoldat under sprenginga av fabrikken på Rjukan under andre verdskrig, Fredrik Kayser.
Tysdag 8. mai blei Arne Mæland sin bronseskulptur av Fredrik Thorbjørn Kayser (1918-2009) avduka på Storetveit.
– Det ver mykje folk og hyggeleg stemning, fortel kunstnaren.
Kayser var ein av dei seks frå Kompani Linge som gjennomførte den vellykka sprenginga av Norsk Hydro sin fabrikk på Rjukan under Vemorkaksjonen.
Skulpturen blei avduka av Joachim Holmboe Rønneberg. Rønneberg var leiar for gruppa Swallow/Gunnerside, som gjennomførte aksjonen.
Viktige konteinarar
Mæland starta på skulpturen i fjor haust og hadde hjelp av sonen, kunstnaren Vidar Bratlund Mæland, med skissene.
– Vi lagde mange skisser før vi fann den eg valte, ein soldat som har tatt imot ein konteinar med forsyningar, og som gjev melding til neste soldat, fortel Arne.
– Under krigen skal det ha blitt droppa rundt 11.000 sånne konteinarar med viktige forsyningar til motstandsrørsla, seier Mæland.
Kunstnaren sjølv synes skulpturen går fint inn i terrenget på Storetveit.
Oppdraget fekk han for rundt eit år sidan av ei gruppe veteranar, med Petter Namtvedt i spissen.