Mann over bord og slåssing på brygga
Politiet: Trafikkulykke i Byvegen laurdag og bråk på gjestebrygga natt til søndag.


Klokka 04.20 natt til søndag fekk politiet melding om mann over bord frå ein "partybåt" som låg ved gjestebrygga.
– Ein mann hadde ramla uti. Då han kom på land hadde han visst blitt angripe av fleire, seier operasjonsleiar i Hordaland politidistrikt, Gustav Landro.
Patruljen rykte ut og det heile roa seg utan at nokon blei tatt med av politiet.
– Fleire hadde småskader etter slåssing, men ingen ville melda det der og då. Men det skal ha vore nokon som sa dei ville koma innom lensmannskontoret på måndag og melda det som hadde skjedd.
Skadd i påkjørsle
Laurdag i 14.50-tida var det ei trafikkulykke ved eit fotgjengarfelt i eller nær Os sentrum.
– Ein bil blei påkjørt bakfrå då den stoppa for fotgjengarar. Ei jente hadde smerter i magen etter samanstøyten og blei kjørt til legevakt i ambulanse, seier Landro.