Mann pågripen etter brann på terrasse
Politiet mistenker at brannen søndag er påtent.
Søndag formiddag litt før klokka 11 rykte politi, brannvesen og ambulanse ut til bufellesskapen Vartun i Industrivegen. Det hadde kome melding frå Industrivegen/Byvegen om opne flammar og ein del røyk frå baksida av rekkehuset.
– Ingen blei skadd i brannen, opplyser politioverbetjent Audun Hadler-Olsen.
Brannen var sløkt med eit skumapparat før brannvesenet kom fram. Det hadde brent i nokre møblar på terrassen, men det var òg sprekk i eit vindauge som følgje av varmen frå brannen.
– Om ikkje det hadde blitt sløkt med det same kunne dette fort blitt ein bustadbrann, seier varabrannsjef Arne Monsen.
Mann pågripen
Politiet etterforskar brannen og ein mann er pågripen.
– Ein mann i 30-åra er køyrd i arresten. Han skal i nye avhøyr i dag, seier Hadler-Olsen.
Politiet mistenker at mannen kan ha noko med brannen å gjera.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.