Markerte glede-dagen

Fredag 23. november var MOT til å glede-dagen, der MOT ville skapa "årets varmaste dag".

Os har vore eit Lokalsamfunn med MOT sidan 2007, og i Os som 137 andre stadar blei dagen markert på ungdomsskulane i kommunen.

– Elevane i 10. klasse, som er Ungdom med MOT, fekk oppgåva med markeringa, som gjekk ut på å overraska medelevar og lærarar med brownies, fortel Ellen Merete Lyssand, MOT-koordinator i Os.

– Det skal så lite til

I tillegg delte elevane ut lappar med visdomsord på.

- Dagen handlar om å spreia glede til menneska rundt oss. Det er ikkje så mykje som skal til! Eit smil, ein klapp på skuldra, gå på butikken for bestemora di eller ha med ei kake på jobben.

MOT-kollegaen Kjersti Tysse Plätzer hadde ordna med sponsa kakedeig frå Mølleren til den omfattande bakedagen.

- Vi treng å bli minna på kor lett det er å gleda andre. Det skal så lite til.

Trivst betre med MOT

• MOT til å glede-dagen har blitt arrangert sidan 2008.

• Over 60.000 elevar opplever MOT på skulen.

• Tal frå elevundersøkinga i 2011 viser at ved MOT-skuler blir delen elevar som mistrivst eller opplever mobbing halvert.