Måtte fjerna frontruta for å koma ut av bilen

Bildeserie:

1 av 3

Laurdag rykte legevakt, ambulanse, politi og brannvesen ut til eit trafikkuhell i eit nabolag på Søfteland.

– En bil hadde trilla utfor vegen i ein hage og ned ein skråning. Der landa den på sida delvis borti ein parkert bil, fortel varabrannsjef Arne Monsen.

Det var to vaksne personar i bilen då uhellet skjedde. Ingen av dei skal ha blitt alvorleg skadd.

– Bilen blei liggande på sida, og dei to blei sitjande utan særleg sjanse til å koma seg ut.

Brannvesenet stabiliserte bilen med vaier før dei byrja å laga ny exit.

– Det enklaste og tryggaste blei å fjerna frontruta, fortel Monsen.

Tre ulykker dagen etter fredag den trettande

Brannvesenet rykte vidare ut til kollisjon på E39 ved Ulvenvatnet etter operasjonen på Søfteland.

Dei som er overtruiske og i går frykta datoen, ser ut til å ha hatt meir å kvi seg til i dag.

Også på morgonen laurdag var det ei trafikkulykke i Os, den var på Halhjem ferjekai.

– Vi var ikkje ute på den, men har fått informasjon om at ein lastebil hadde svingt borti ein bil som låg plassert i vedkomande si blindsone.