Måtte skilja to vaksne slåstkjempar

Måndag i 18-tida rykte politiet ut til ein bustad litt sør for Os sentrum.

– To menn i 40-50-åra slåst, fortel politioverbetjent Audun Hadler-Olsen.

Ingen av dei var alvorleg skadd, men partane blei skilte og fekk pålegg om å halda seg vekke frå kvarandre til dei var blitt edru.

Politiet skildrar episoden som eit gjentakande problem.

– Er det ein pågåande nabokrangel?

– Nei, dei er ikkje naboar. Eg har inntrykk av at dei i utgangspunktet er kameratar, seier Hadler-Olsen.