Med goodybags og fekteshow

Bildeserie:

1 av 10

Torsdags ettermiddag inntok TV-seriane "Girls" og "Game of thrones" Oseana og 60° Nord Os internasjonale filmfestival. Gjennom eit samarbeid med Canal+ var 60° Nord så heldige at dei fekk norsk førpermiere på begge seriane.

Og det var litt av ein kveld dei hadde stelt i stand. Med gratis inngong, goodybags, fekteshow, mat og sjølvsagt timar med gode seriar, laga gjengen frå 60° Nord ein flott kveld for dei besøkjande. Og det til tross for at Oseanasalen var langtifrå full.

-Vi hadde sjølvsagt håpa på fleire besøkjande, men vi er veldig fornøyd med det vi har laga i stand, seier Tarjei Lyssand frå 60° Nord.

Viktig å støtta

Chistine Hope (16) fekk høyra om visninga då ein frå 60° Nord besøkte skulen hennas.

-Eg har lest om "Girls" og syns den virkar morosam, så eg håpar på ein kjekk kveld, seier ho.

Mona Breivik Stigen (28) var på plass for å dela ut goodybags frå klesbutikken LoL og Toppen frisør.

-Eg er her med systera mi. Det er litt jobbing men mest fornøyelse. Det er viktig å støtta festivalen, og flott å sjå kor bra dei har fått det til, seier Stigen.

Arvtakarar til Sex and the city?

Den første serien 60° Nord viste var den mykje førehandsomtalte serien "Girls". Serien blir ofte samanlikna med "Sex and the city". Og ja, det er likheitar. Dei er begge komiseriar som handlar om ein jentegjeng frå New York og deira jakt på kjærleik og lykke.

Men seriane er også veldig forskjellige. Der "Sex and the city" er full av glamour og Hollywood-pene personar, er "Girls" mykje meir jordnær og realistisk. Ikkje noko vert pakka inn og i periodar sit ein og vrir seg i setet av dei pinlege situasjonane karakterane havnar i.

Marthe Reidun Haugland (17) var saman med ei venninne på visninga av "Girls". Ho hadde ikkje mange forventningar før visning, men trodde det blei morosamt. Etter visning hadde ho litt blanda meininger.

-"Girls" var morsom, men og litt rar, meinte ho.

Tilbake til middelalderen

Då visninga av "Girls" var over, blei publikum sendt ut for ei overrasking. Det var tid for å komma i "Game of thrones" modus. Ein gjeng kom marsjerande opp mot Oseana, utkledd i full middelalderkostymer, sverd og skjold. Publikum blei vitne til ein kamp mellom to lag, der begge meinte dei hadde rett på trona. Krigarane gav alt, og det virka ikkje som dei heldt særleg igjen. Det blei observert minst ei blodig nase etter framsyninga.

Vel inne i Oseana igjen var det duka for middelaldermat. Restaurant Færingen serverte potetsalat og røykt lam laga på gamlemåten, og gav gjestane ein god og rustikk smaksoppleving før visninga av "Game of thrones".

Som stor "Game of thrones" fan, var underteikna ikkje reint lite spent på sesong to. Og ho vart ikkje skuffa. Serien fortsatte i samme stil, full av spenning og uforutsigbarheit. det er berre å gleda seg til fortsettelsen.

-Amazing!

Ein av 60° Nord sine gjester er skotten Marc Twynholm. I 2009 var han på festivalen med filmen "Running in traffic" som han òg vann pris for. I år hadde han ingen film med seg, men Twynholm var så imponert av festivalen sist gong at han måtte komma tilbake.

-Amazing!, utbryter han då han får spørsmål om festivalen.

-Dei har eit flott program, plassen er heilt utrulig og gjengen i 60° Nord er utrulig dedikerte, fortset han.

Frå 60° Nord seier Nils-Anders Nøttseter og Tarjei Lyssand at dei er fornøyd med kvelden.

-Sjølv om vi hadde håpa på meir oppslutnad så syns vi at kvelden har gått bra, seier dei.

-Vi har kun fått positive tilbakemeldingar, så det er tydelig at gjestane og har vore nøgd med kvelden, og det er vi stolte av.

60° Nord fortsetter fredag kveld med visning av blant anna "Avengers" og "The rocka" før dei avsluttar festivalen i morgon med gallakveld og prisutdeling.

-Det er fortsatt ledige billettar til begge kveldane, så vi håpar at osingane tek turen.