Med hagebenk som baksete

I 3-tida natt til søndag stoppa politiet ein bil i Røtingavegen.

– Ein benk stakk ut på sida av døra, fortel operasjonsleiar i Hordaland politidistrikt, Erik Hole.

Benken var ikkje del av eit flyttelass, men brukt som baksete for passasjerar.

– Det var kanskje litt morosamt, men det er ikkje lovleg. Den unge føraren har ikkje hatt lappen lenge, men det burde han visst, meiner Hole.

Føraren blei meldt for forholdet.