MEKK legg ned på Os

Måndag orienterte butikkeigar John Morten Taranger senterleiar Anne Kristine Tøsdal om at han såg seg nøydd til å levera inn nøklane og ta firmaet, Osbutikken AS, til skifteretten.

– Det er frykteleg synd.

– Sjølv om John Morten ikkje likte at eg kalte butikken for ein mannebutikk, med utval og varer som kanskje menn er meir interessert i enn oss damer, så treng vi den type butikker på senterert.

– I tillegg er det sjølvsagt trist for dei tilsette som no mistar jobben sin, seier Tøsdal, som presiserar at det er driftsselskapet bak MEKK-butikken på Os som no er konkurs og ikkje kjeden.

Allereie interesse

Etter at det blei kjent at det 537,5 kvadratmeter store lokalet blir ledig har interesserte allereie meldt seg.

– No er lokalet rett nok låst i ein månadstid slik at bustyrar skal få gjera sin jobb, men allereie no har vi avtale om at nokon skal komma å sjå på det.

– Dette er eit av dei største lokala vi har på senteret, så eg håpar jo at det ikkje skal gå alt for lang tid før nye har etablert seg.

– Kor lang tid det eventuelt tar er umogleg å seie.

– Om du får bestemme, kva type butikk ønskjer du deg inn i lokalet?

– Då ønskjer eg meg ein ny "mannebutikk".

– Det er jo gjerne slik at damene handlar mest, men dei har eit godt utval på senteret no.

– Menna treng ein stad å vera dei òg, så ein ny butikk som interesserer menn er nok det som står høgst på ønskjelista, avsluttar senterleiar Anne Kristine Tøsdal.