Meldeplikt, ikkje varetekt

I 13.30-tida sundag blei ein mann pågripe og fengsla, mistenkt for grove trugslar. Han sto utanfor huset til ein av dei han har truga tidlegare, og kom med grove verbale trugsmål.

Mannen, som er i 50-åra, var ikkje rusa. Politiet fann han i nabolaget og tok han med til arresten i Bergen.

Tysdag blei mannen framstilt for varetektsfengsling grunna fare for gjentaking.

- Mannen blei ikkje varetektsfengsla, men fekk meldeplikt, seier politiførstebetjent Audun Hadler-Olsen.

Han vil ikkje seia kor lang periode mannen dagleg må koma og melda seg på lensmannskontoret.