Melder fire dagar med sol

I førre veke kom eit par blaff av sommarvêr, men starten på denne veka held fram like våt som helga var.

Det er likevel sol i siktet.

Både Yr og Storm melder opphaldsvêr frå 22-tida tsdag kveld til og med natt til søndag.

Det er meldt samanhengande lettskya frå onsdag morgon til laurdag kveld.

Temperaturen skal auka frå 14-15 gradar onsdag til 17-18 gradar fredag og laurdag.

Onsdag er det meldt opptil 6,5 m/s i vindstyrke, men også vinden skal løya frå torsdag.

Yr og Storm er ikkje einige om søndag og neste måndag, og melder regn kvar sin dag. Så skal det letta på tampen av langtidsvarselet, noko som kan gi håp om fint vêr på Øyafest om ti dagar.

Før godvêret kjem må vi halda ut med fleire regnbyger måndag og samanhengande regn og frisk bris (opptil 9,1 m/s) i morgon, tysdag.

• Sjå detaljert vêrmelding for Osøyro på VG Pent