Os hamn då det var kuling frå sør 15. januar i år. (Foto: Kjetil Vasby Bruarøy)

Melder kraftig vind på Vestlandet

«Hauststorm med orkan i kasta», seier meteorolog om det som kan venta oss torsdag.

Av: Kjetil Vasby Bruarøy

Har du brukt mai månad på å få ut hagemøblane og montera trampolina for sesongen? No er det på tide å pakka saman igjen.

Det er nemleg ikkje berre regn som er venta frå torsdag, det kjem òg kraftig vind inn over Vestlandet.

I utgangspunktet er det meldt aukande frå 4 m/s onsdag til 10 m/s torsdag, altså frå lett bris til liten kuling.

I dag seier meteorolog Martin Granerød til BT at det har vore ei omvelting i vêrsituasjonen, og at nedbør frå Atlanterhavet kan koma saman med vind i storm styrke og med orkan i kasta (25-35 m/s).

Vinden skal koma frå søraust.

– Før torsdag bør hagemøblar, trampoliner og andre lause gjenstandar bli festa godt eller tatt inn. Dette er ein uvanleg vindstyrke til å vera om sommaren og vi kjem til å merka den svært godt, seier Granerød.