Meldt stolen
Éin båt er meldt stolen, ein annan er meldt funnen. Måndag fekk politiet også melding om påkjørsle av hjort.


- Sundag fekk vi melding om båttjuveri. Ein 15 fot Hurricane som låg i Oselvo er sakna, fortel lensmann Rasmus Dalen.
Truleg er det den same båten Midtsiden.no tok bilde av fredag, då vi skreiv om nedbørsmengdene før helga.
- Vi har også fått melding om ein båt som er funnen, men det er ein mindre båt.
På Fusa er det funnen ein 8 fots gummibåt med 5 hk Tohatsu. Har du ein slik på sjøen bør du sjekka om den framleis ligg ved brygga.
Måndag morgon fekk politiet melding om påkjørt hjort.
- Hjorten blei påkjørt på E39 ved Kuvågen. Ingen personar blei skadd i samanstøyten. Landbrukskontoret er orientert, fortel Dalen.