Meldt for tjuveri - tatt med skarp gjenstand

Onsdag i 19-tida blei politiet kontakta av ein vekter på AMFI Os.

Ein mann han kjenner namnet på var mistenkt for tjuveri av klede frå ein butikk.

– Vekter kjenner til mistenkte frå tidlegare forhold. Då vi kom på staden sto han på utsida av senteret, fortel politioverbetjent Audun Hadler-Olsen.

Mistenkte, ein mann i 20-åra, hadde ikkje noko tjuvgods på seg, men politiet oppdaga at han hadde ein skarp gjenstand.

– Då han ikkje hadde noko aktverdig grunn til å ha denne, blei han meldt for forholdet.