Mengder med laks på rømmen

Fleire hobbyfiskarar fortel om laksefangst i Bjørnafjorden i helga. – Det er skremmande mykje, seier Ragnar Lyssand.

Dagens 11 laks (innfelt) som Ragnar Lyssand tok mellom Moldaneset og Sandholmane (privat foto/AH)
Andris Hamremandag 23. nov. 2015 15:07

Midtsiden har i løpet av helga fått tips om fleire som har fått laks i garna dei har hatt i Bjørnafjorden.

– Det er skremmande kor mykje det er. Eg er ikkje i tvil om at det er oppdrettslaks det er snakk om, så her har det nok vore rømming frå ei merd, seier Ragnar Lyssand, som i dag meldte frå til Fiskeridirektoratet.

26 laks på tre dagar

Saman med ein kamerat har Lyssand hatt garn ute mellom Moldaneset og Sandholmane i helga.

– Det starta på laurdag då vi fekk seks stykk i garnet. Søndag sat det ni i og i dag var det 11 då vi trakk garnet.

– I dag var det berre laks vi fekk og all fisken er mellom 2,5 og 3 kilo, så det tyder på at den kjem frå same plassen.

Mistanken blir styrka frå andre fiskarar som har tatt fleire laks både ved Gullholmane og mellom Bjørnatrynet og Strøneosen. Alle omlag på same størrelse.

Midtsiden har ikkje lukkast koma i kontakt med Fiskeridirektoratet måndag ettermiddag.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.