Mista førarkortet

Måndag i 15-tida fekk politiet melding om vinglete kjøring i Svegane.

- Politiet rykte ut og stoppa bilen. Dei tok beslag i førarkortet til sjåføren, ein mann i 60-åra, fortel operasjonsleiar i Hordaland politidistrikt, Jan Steimler.

Årsaka til førarkortbeslaget står ikkje i rapporten til Steimler.

- Det er ikkje noko anna årsak enn den vi rykte ut på. Gode vitneobservasjonar av ein kjørestil vi ikkje kan akseptera var grunn god nok, seier lensmann Rasmus Dalen.