Mista lappen

Ein osing blei måndag dømt til 36 timar samfunnstraff og mista retten til å køyra bil i ni månadar.

Mannen, ein osing i byrjinga av 30-åra blei stoppa på E39 i Gloppen kommune. Patrulja stoppa han da dei målte farten til 133 km/t i 80-sona på staden.

Då saken blei handsama i Nordhordaland Tingrett måndag innrømma mannen å ha køyrd for fort. Råkøyringa skal ha funne stad midt på dagen 1. oktober.

Retten la ved straffeutmålinga til grunn at det dreide seg om ei vesentleg fartsoverskriding og at det alltid ved slik fart er ei risiko for alvorlege ulykke. I formidlande retning blei det lagt vekt på tilståinga.

Mannen blei dømd til 36 timar samfunnstraff med ei gjennomføringstid på 90 dager, subsidiært fengsel i 18 dager.

Han blei òg fradømd retten til å føra førerkortpliktig motorvogn i ni månadar og må opp til ny førerprøve før han får att førarkortet.