Mista lappen, men køyrde likevel

Statens vegvesen var i Os frå klokka 12.45 til 18.00 torsdag, først i Industrivegen, så i krysset mellom Gymnasvegen og Byvegen.

Til saman 1.779 bilar blei kontrollerte, under det leiar for kontrollane, Lars Harald Drange, skildrar som svært våte og litt vanskelege forhold.

– Det krev god organisering når du skal ivareta ei effektiv avvikling av trafikkontroll i samanhengande regnvêr, som i går, seier Drange.

Hadde mista lappen - køyrde likevel

Kontrollen var retta mot lette køyretøy, hovudsakleg for å kontrollera om førar og passasjerar brukte bilbelte, noko som kan vera litt vanskeleg når sikta er dårleg.

10 førarar fekk gebyr for å køyra utan bilbelte, 9 køyretøy fekk skriftleg tekniske manglar og 2 fekk muntleg beskjed om manglande lys.

Éin av bilførarane køyrde utan førarkort, då vedkomande hadde fått dette beslaglagt etter ein tidlegare episode (uvisst kva og kor tid).

Det blei òg skrive eitt gebyr for manglande vognkort og eitt for ikkje å ha medbragt førarkort.