Mista utemøblane
Måndag morgon oppdaga Peppes-drivarane at det største utemøbelet deira var vekke.
- Det er ein stor, fletta sofa, dei må ha hatt bil eller båt å frakta den vekk med, seier Joachim Wagner Larsen.
No håper han at nokon har sett aktivitet som kan gje politiet spor i saka.
Kom tilbake neste natt
Men tjuvane ville ikkje berre ha sofa, natt til tysdag forsvann dei to stolane som høyrer med.
- Vi har ikkje lagringsplass til utemøblane, så resten står framleis ute. No er eg spent på om bordet som høyrer til sitjegruppa framleis står der når eg kjem opp til restauranten i ettermiddag.
Joggar fann bag
Tysdag fekk politiet melding om funn av bag.
- Ein som jogga i Kolskogen meldte frå om at han hadde funne ein bag med nokre klede i. Vi har fått bagen inn til oss, fortel politioverbetjent Terje Sperrevik.
Bil i grøfta
Ein bil som sto i grøfta på Hetleflåten tysdag, fekk vitne til å melda frå til politiet.
- Bilen såg uskadd ut. Vi hadde dialog med eigar og det var ikkje grunn til å gå vidare med noko for vår del.