Mistenkt for biltjuveri

To 17 år gamle gutar tok seg ein biltur i natt, men kom heim igjen før politiet fekk tid til å leita etter dei.

Kjetil Vasby Bruarøytorsdag 12. nov. 2009 09:13

Rundt midnatt onsdag kveld fekk politiet melding om mogleg biltjuveri. To 17-åringar var mistenkt for å ha stukke av med ein bil, men politiet var opptatt.

- Vi bisto under pågriping av ein osing som er miskenkt i ein valdsepisode utanfor kommunen. Då patruljen kontakta meldar av biltjuveriet var gutane kome tilbake til institusjonen dei bur på, fortel politioverbetjent Terje Sperrevik.

Han er usikker på kva som skjer vidare i saka.

- Det kjem an på kva opplysingar vi får. Om dei to har kjørt bil så er det straffbart.