Moped mot bil
Ein ung mopedførar blei sendt til sjukehus med ambulanse etter frontkollisjon mellom moped og bil på Ulven.
Bildeserie:
Litt over klokka åtte onsdag morgon rykte brannvesen, politi og ambulanse ut på melding om møteulykke mellom moped og bil.
Ulykka skjedde mellom Ulvensletta og Kolskogheiane.
– Føraren av mopeden er bevisst, men har kanskje skade i ein fot, meldte politiet på Twitter.
Mopedføraren, som ifølgje ein kamerat på staden var på veg frå Drange til Os vgs, er frakta til Haukeland universitetssjukehus med eit mogleg brot i foten.
Trafikken sto etter i begge retningar etter ulykka. Klokka 09.02 starta politiet å sleppa biler gjennom.
– Kvinne åleine i bilen
Bilen køyrde i retning Hagavik medan mopeden var på veg frå Drange til Os.
– Det kan sjå ut som om det også er treffpunkt mellom bilen og mopeden, fortel politibetjent Johnsrud ved Os lensmannskontor til Midtsiden.
Kvinna var åleine i bilen.
Bilen har køyrd inn mot autovernet og fått skader i frontruta etter at airbagen på passasjersida løyste seg ut.
Brannvesenet har rydda vekk mykje oljesøl på staden.