Mot lysare tider
Arbeidet med gangfelta over Hatvikvegen (fv 552) er no teke opp att. (oppdatert).
Bildeserie:
Arbeidet har drøya sidan Os kommune sendte brev til Statens vegvesen hausten 2017. I juli i år starta arbeidet opp med å utbedra skadane og utfordringane som blant andre Os eldreråd hadde påpeika.
Etter ein periode med arbeid vart det brått stopp, og mange reagerte på korleis det var å ferdast, både som gåande og i bil. Spesielt vart det reagert på overgangen nærast Osbrua. Her stod det att høge kantar som ikkje var lett å forsera om ein var dårleg til beins eller sat i rullestol.
Overgangsfelta har i tillegg mangla dei karakteristiske kvite stripene i vegbana etter at det vart lagt ny asfalt.
Fartsdump i neste veke
Morten Solholm i Statens vegvesen kan fortelja at dei planlegg å få gjort ferdig overgangen nærast brua i neste veke.
– No er vi i gang med å setja opp lys ved begge overgangane, og samstundes kjem vi til å skifta armaturar i lyktestolpane inn mot, og i rundkøyringa. Vi skal bytja til LED-pærer i alle stolpane, fortel Solholm.
– Overgangen som ligg nærast brua vil verta asfaltert med fartsdump i neste veke. Då vert det eit skikkeleg opphøgd gangfelt slik som planlagd, avsluttar Solholm.
OPPDATERT: I ei tekstmelding i ettermiddag skriv Morten Solholm frå Statens vegvesen at asfaltarbeidet vil starta allereie klokka 21.00 i kveld. Dei reknar med å bli ferdige i løpet av natta. Med andre ord kan det vera greit å vera førebudd på ein ny hump på vegen i morgon tidleg.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.