Nær dobbelhavari ved Halhjem ferjekai

Fredag ettermiddag fekk Os brannvesen melding om ei skøyte som tar inn vatn. Båten er fortøydd ved Halhjem ferjekai.

– Vi fekk òg tips om at ein stor og dyr cabincruiser låg fortøydd på utsida, og meldar var redd for at skøyta skulle ta med seg denne på veg ned, fortel brannsjef Stein Gjøsund.

Brannvesenet fekk tak i eigar av den nyare båten. Eigar av skøyta som tar inn vatn har dei førebels ikkje fått tak i.

– Vegvesenet, som er grunneigar, skal prøva å få tak i vedkomande. Han kjem frå Samnanger og denne skøyta har lagt her etter at Redningsselskapet henta den inn då den låg på rek i fjorden.

Lensinga pågår framleis. Det er òg lagt ut lenser i sjøen då det er noko shine frå oljesøl i overflata.