Lokal | 03. okt. 2013

Nærgolf for alle

Bjørnefjorden Golfklubb vil utvikla området på Hauge til eit fleirbruksområde. Neste steg på vegen er lågterskeltilbod med kortholsbane tilpassa born og urøynde.

Nærgolf for alle
Dagleg leier Eivind Hodneland testar kortholsbana. Eit av dei nye utslaga ser du i skogkanten bak han (foto: Andris Hamre)
Andris Hamretorsdag 03. okt. 2013 05:58

Golfklubben på Hauge er ein av dei 32 organisasjonane som har søkt om KUP-midlar frå kommunen no i haust. Saka skal avgjerast i formannskapet neste tysdag, men Bjørnefjorden Golfklubb er blant dei som den politiske arbeidsgruppa har innstilt skal få midlar.

– Det var gledelege nyhende, strålar dagleg leiar Eivind Hodneland.

Nærgolf for alle

Midlane skal klubben nytta til å utvikla det siste tilskotet på stammen, nemleg kortholsbana nærmast sentrum.

– Tildelinga vil hjelpe oss å laga eit skikkeleg bra området.

– Målet er å få til eit konsept etter modellen for nærgolf-anlegg frå Noregs Golfforbund, forklarar Hodneland.

Bakgrunnen for nysatsinga er fleirdelt i følgje den daglege leiaren.

– Rekruttering er sjølvsagt det viktigaste. I tillegg håper vi den kan vera eit tilskot i tilbodet til bedriftar i sentrum og overnattingsstadene som ønskjer å gjera noko ekstra for kundene sine.

Grøntområdet for sentrum

Nærgolf-modellen er omtrent som ballbingar og andre nærmiljøanlegg, kor ein nyttar små ledige områder til golfspeling.

– Kyrkjeflaten hadde vore idell til det, men no ligg jo vi så nær sentrum at vi nesten kan sjåast på som grøntområdet i sentrum.

– Vi ønskjer å knytta området her oppe på Hauge nærare til sentrum.

– Den langsiktige planen vår er å bli nettopp det, eit fleirbruksområde, som kan nyttast av fleire, seier Hodneland, og nemner tankar om minigolfbane, utbygd vegnett som kan nyttast til jogging, tur og skigåing når aktiviteten på golfbana er mindre og eit enno meir ope klubbhus som kan nyttast av fleire organisasjonar enn golfklubben.

– Allereie no har vi eit godt og nært samarbeid med fotoklubben. Eg håpar vi kan få til eit samarbeid med fleire.

Tryggleik i høgsete

Den nye kortholsbana vil vera open for alle, men tryggleiken skal det ikkje gå utover.

– Midla vi forhåpentlegvis får frå formannskapet skal gå til nettopp det å gjera det trygt, med sikringsveggar og -nett.

– Sjølv om bana skal vera open for alle, og gratis for born, så må alle innom oss for ei rask innføring i kva ein kan gjera og kva ein ikkje kan gjera.

– Mellomanna er det ikkje lov å slå om det står folk inne på greenen. Vi vil òg kjøpa inn eigne ballar, som er lettare og ikkje er mogleg å slå lengre enn 30-40 meter slik at dei som lånar utstyr hjå oss ikkje treng vera redd for å slå seg vekk, avsluttar Eivind Hodneland hjå Bjørnefjorden Golfklubb.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.