Nav opna ny teneste i dag

No kan du enkelt både søkje og følgje saka di på nav.no/sosialhjelp.

NAV Bjørnafjorden tar i bruk den nye innsynsløysinga frå og med i dag, torsdag 8. april.

Den digitale løysinga gjer at du raskt og enkelt kan sjå status i saka di, lesa brev og vedtak, og sjekka utbetalingar, opplyser Bjørnafjorden kommune.

– Vi trur dette vil gi brukarane våre betre service, både ved raskare saksbehandling og ved at dei sjølv raskt kan sjekka status i si eiga sak, seier avdelingsleiar i NAV Bjørnafjorden, Line Naterstad Solheim.