Neset nesten i finalen

Bildeserie:

1 av 8

Tysdag spelte det samanslåtte smågutelaget frå Søre Neset og Nore Neset semifinale i kretsmeisterskapen. Neset vann avdelinga si i 2. divisjon 8 poeng framfor Smørås, og med ein målforskjell på 113-21 på 14 kampar.

I kvartfinalen i KM slo dei Trott 4-3 på bortebane i ein kamp dei leia heile vegen, i går hamna dei under for Baune.

Baune leia 1-0 til pause, men utover i 2. omgang pressa Neset meir og meir.

Heimelaget leia dessutan på corner og trengte derfor berre utlikning for å vera i føringa.

Og utlikninga kom. Etter fleire nesten-gjennomløp og ein god corner som blei heada rett over mål kom Mikal Brekke seg gjennom og forbi tre motstandarar før han kriga ballen inn under keeper.

Jubelen runga gjennom den tette skodda i Halhjemsmarka, men jubelen varte ikkje så lenge.

Neset hadde nokre sjansar til, men skåra ikkje fleire.

I staden kom Baune på eit fint løp på under eit halvt minutt før slutt og sette inn 2-1.