Nesten for Nore Neset

Bildeserie:

1 av 10

Sundag ettermiddag tok serieleiar Søfteland imot Nore Neset til 7. divisjonsderby. Nore Neset overtok 2. plassen på tabellen etter Njardar/Tysnes i førre runde, norenesingane er suverene på målforskjell med 40 mål på 10 kampar.

Også i dag såg det ut til å bli målrikt, ein halvtime ut i kampen skåra gjestane to mål på tre minutt. Men Søfteland reduserte tre minutt før pause og utlikna i 2. omgang.

Søfteland - Nore Neset: 2-2 (1-2)
Målskårarar, Nore Neset: Alexander Thuen og Per Olav Sørstrønen
Målskårarar, Søfteland: Remy Søfteland og Eirik Skåtøy

På vesle Stilvoll blei det ein kamp fullstappa av tøffe duellar og ein liten serie gule kort. Dommaren ville visa ut ein Nore Neset-spelar i 1. omgang, men det viste seg at gjestane hadde to spelarar med same draktnummer, dermed fekk begge lag fullføra med 11 mann.

Nore Neset hadde dei største sjansane i første omgang og leia fortent til pause.

- I 2. omgang var det Søfteland som skapte dei farlegaste situasjonane. Det var surt å gje frå seg leiinga, men Søfteland er det beste laget vi har møtt i år og det var nok greit at vi delte poenga i dag, seier Nore Neset-trenar Kenneth Svenningsen.

SJÅ TABELL