NM-gull til Sverre

Kjetil Vasby Bruarøymandag 05. jan. 2009 17:40

Sverre Lunde Pedersen hadde tider som nesten var gode nok til senior-medalje då han vann 500- og 1000-metern både laurdag og sundag.

- Det gjekk veldig bra, og eg er nøgd med å betra plasseringa frå 3. plass i fjor til 1. plass i år, seier Sverre til Midtsiden.no.

På 500 meter sundag betra han tida si frå dagen før, frå 38,54 til 38,29, ei tid som er betre enn Kjetil J. Amundrud si tid sundag. Amandrud hamna på 4. plass på 500-meteren for senior.

- Det var ikkje godt nok til ny pers, men sidan det var utandørs så hadde eg heller ikkje rekna med det. Men 38,29 er nok det raskaste eg har gått under open himmel, trur noregsmeisteren.