NM for patruljehundar
NM for patruljehundar blir arrangert i Os torsdag til laurdag. Delar av konkurransen er open for publikum.
Torsdag klokka 17.30 er det oppmarsj for NM-deltakarane i Os sentrum, 32 politihundar gjer seg klare til offisiell opning av årets noregsmeisterskap ved ordførar Terje Søviknes.
Etter opninga blir det oppvising og "prøvehund" i øvingane i rundløypa, melder Bergen Politihundelag på sine heimesider.
Konkurranseprogrammet består av feltøvingar og rundløype. Feltøvingane går utanfor Os sentrum, og blir ikkje open for publikum, men rundløypa, som består av blant anna bilangrep med feltsøk og angrep av stilleståande figurant blir underhaldande for publikum.
Ifølgje Os 6 Fusaposten onsdag er to av hundeførarane frå Os, éin av dei, Ronny Øvrebotn, er med som deltakar i NM.