NM: Sist dei møttest blei det skåra 15 mål

Første kvalifiseringsrunde til årets NM skal spelast før 21. mars.

Onsdag 15. januar la NFF ut oppsettet for alle som må kvalifisera seg.

Os speler borte mot Tertnes.

Tertnes kom på 4. plass i Os 2 si naboavdeling i 4. divisjon, den same avdelinga som dei tidlegare Os-spelarane Kjetil Hansen og Christoffer Hafsås med Bjarg rykte opp frå.

Straffedrama i 2015

Sist Os og Tertnes møttest var i siste av to NM-kvalifiseringsrundar i 2015. Då sto det 0-1 til pause, 3-3 etter full tid og likt etter ekstraomgangar.

Børge Borgen skåra det avgjerande målet - sjå video av alle skåringane her.

Os gjekk vidare og fekk Brann på heimebane i første ordinære NM-runde.

I fjor trekte Odda seg frå første kvalifiseringsrunde, i andre runde tapte Os borte for Fana. Lysekloster var direktekvalifisert, men tapte første runde heime mot Sotra.

Andre kampar - andre runde

Desse laga i Hordaland er allereie kvalifiserte til 1. NM-runde 2020:
Brann
Nest-Sotra
Åsane
Sotra
Lysekloster
Fyllingsdalen
Fana

Her er dei andre lokale kampane i første kvalifiseringsrunde:
NHH – Trott
Smørås – Sund
Djerv – Varegg
Sandviken – Lyngbø
Gneist – Frøya
Arna-Bjørnar – Bjarg
Osterøy – Loddefjord
Bergen Nord – Studentspretten

Vinnarane skal spela 2. kvalifiseringsrunde innan 4. april - oppsettet kjem 23. mars.