Lokal | 22. okt. 2009

No blir det klubb!

Nystarta juniorklubb i nytt lokale fekk onsdag 10.000 kroner i støtte frå DnB NOR. - Lydanlegg og Singstar står på ønskelista, fortel Tone S. Borgen.

No blir det klubb!
Kjetil Vasby Bruarøy
Kjetil Vasby Bruarøytorsdag 22. okt. 2009 08:14

Bildeserie:

1 av 3

I Søre Øyane har det vore juniorklubb i mange år. Frå 2000 til 2007 samla ungar frå 5. til 7. klasse seg i ungdomshuset i Øyane, men no er nytt lokale i barnehagebygningen klart for bruk.

- Det er Søre Øyane grendalag som eig bygningen, og på loftet i tilbygget er det eit lokale som både blir brukt til selskap og no til juniorklubb, fortel Tone S. Borgen.

Den siste fredagen i september hadde dei juniorklubb for første gong, og det blei ein stor suksess.

- 41 av nokon og førti elevar i desse klassetrinna møtte opp, og det blei livleg med både dansekonkurranse og synging.

God støtte
Men grendalaget trengte blant anna lydutstyr og Playstation for Singstar til klubben, og har søkt om midlar fleire plassar.

- Vi har fått kulturmidlar og etableringsstipend frå Os kommune, og no 10.000 kroner frå DnB NOR, seier Tone nøgd.

- Så no blir det handletur.

- Nja, vi har allereie vore å handla ein del.

Vil ha fleire søkjarar
Pengegåva Trygve Amundsen frå DnB delte ut onsdag, er frå Sparebankstiftelsen DnB NOR. Stiftinga eig 10 prosent av aksjane i bank-konsernet, og 10 prosent av overskotet på desse aksjane går til nyttige formål.

- På landsbasis blei det delt ut til saman cirka 14,5 millionar kroner til 198 av 1.420 søkjarar. I Os hadde vi 6 søkjarar, juniorklubben i Øyane var einaste som fekk, fortel Amundsen.

Bidrag blir delt ut to gongar i året, vår og haust, med ulike tema for søkjarane. Tema for førre runde var "samlingsplassen vår", tema for neste runde blir publisert i november.

- Folk kan søkja både vår og haust, og vi er interessert i fleire gode søknadar frå lag og organisasjonar i Os, seier Amundsen, og viser til nettsida sparebankstiftelsen.no.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.