No blir det kontroll!

Statens vegvesen vil hjelpa ungdom å setja grenser. Frå helga av blir det kontrollar av fart og beltebruk.

Kjetil Vasby Bruarøytorsdag 22. apr. 2010 20:42

Statens vegvesen er i gong med kampanjen «Sei ifrå» i Region vest. Frå helga vil det bli kontrollar av fart og bilbelte i tillegg til informasjon på stadar og tider der ungdom ferdast fleire i bil.

Kampanjen har som mål å redusere talet på skadde og omkomne ungdommar i bil, og blir gjennomført i samarbeid med politiet.

Forsking viser at «Sei ifrå»-kampanjen har hatt god effekt i målgruppa, som er ungdom mellom 16 og 24 år. Filosofien bygger på at ungdom skjøner farane ved risikofylt køyring.

- Dei fleste ungdomar er fornuftige, og med litt støtte frå Statens vegvesen og politiet så klarer ungdomen å setje grenser for kva dei ønskjer å vera med på eller ikkje, seier prosjektleiar for kampanjen Thorbjørn Thiem.

Han legg til at ungdom har størst påverknad på ungdom sjølve.

Heilt fram til 18. mai skal Statens vegvesen vera synlege på vegen gjennom kontrollar og informasjon.