- No er det alvor

På éin dag fekk åfjordsbåten 1000 stemmer, og stal med det teten frå oselvaren. - No er det vår tur til å gjera tigersprang, seier Åsmund Lien.

Kjetil Vasby Bruarøyfredag 26. juni 2009 08:16

Redningsselskapet kårar Noregs nasjonalbåt, og oselvaren har lenge leia avstemminga. Men brått gjekk dei frå å ligga rundt 300 stemmer framfor nærmaste konkurrent, åfjordsbåten, til å ligga 700 stemmer bak.

- Dei hadde eit arrangement tilsvarande det vi har i Os i helga, og hadde då ein vellukka kampanje der dei fekk inn 1000 stemmer på éin dag, fortel Åsmund Lien.

Med flygeblad til dei som er på marknadsdagar, skulptursymposie og blues- og jazzfestival håpar Lien no på tilsvarande løft for oselvaren.

Her kan du sjå oppdaterte tal frå avstemminga.
(Sjå i margen øvst til høgre)

For å stemma på oselvaren sender du tekstmelding til nummeret 2225, med teksten: BÅT 2.