- No er vi gode!
Os hadde full kontroll borte mot Sotra i dag. Laurdag blir det toppkamp på heimebane.
Handballdamene til Os held fram det gode arbeidet etter 27-15-sigeren over Kjøkkelvik i førre runde. Sundag tok dei ein endå større siger over Sotra på bortebane.
- Vi var stødig gjennom heile kampen, seier trenar Kenneth Husebø.
Sotra - Os: 12-28 (6-15)
- Forsvaret var av ei anna verd, i tillegg blei det gjort bra keeperarbeid. Vi sleppte berre inn seks mål i kvar omgang og jobba disiplinert i angrep frå start til slutt.
Toppkamp mot Fana i Oshallen
Fredag tapte Viking borte 36-34 for Fyllingen, noko som er gunstig for Os. Fana, som leiar serien, slo i dag Stord 27-21 borte, og er framleis to poeng framfor tabelltoar Os etter 8 rundar.
SJÅ TABELL
Fana er også Os sin neste motstandar, førstkomande laurdag klokka 16 blir det toppoppgjer i Oshallen. Også herrelaget til Os har heimekamp laurdag, dei møter Lyngbø klokka 17.30.