Slepet sett frå lufta torsdag ettermiddag. (Dronefoto: Erik Ask, Bergenships.com)

No går gigant-slepet forbi Øyane og Strøno

Det største slepet sidan Troll A i 1995: Aasta Hansteen er høgare enn Eiffeltårnet og stikk 182 meter under havflata.

Av: Kjetil Vasby Bruarøy

Torsdag formiddag gjekk startskotet på Stord, det største slepet på norsk sokkel sidan Troll A-plattforma i 1995 var i gang.

Aasta Hansteen blei i går og i natt slept av fem fartøy i 1,5 knop opp Langenuen. Fredag morgon var plattforma i Bjørnafjorden.

Farten er framleis låg, så det vil framleis vera innaskjers ei stund til, men den skal aukast til 2 knop etter at den har passert Marstein.

• Kjelde: Les meir om slepet på Sysla.no

Saman med slepefartøya er ein vaktbåt som skal halda skodelystne på trygg avstand, men den 339 meter høge plattforma er godt synleg frå både Røttinga og Strøno.

Turen går vidare til 300 kilometer nordvest for Sandnessjøen i Nordland, der den skal henta opp gass frå 1300 meters djupne.

Fleire saker