No kan du søkja på 300.000 grøne kroner

Bjørnafjorden kommune har etablert ei ny tilskotsordning for å støtte privat næringsliv som vil satsa grønt.

– I desse krisetider er det mange bedrifter som omstiller seg.

– I tråd med Bjørnafjorden kommune sitt mål om nullutslepp innan 2030, ønsker vi å bygge opp under grøn næringsutvikling ved å gi direkte tilskot til lokale verksemder som vil drive grøn omstilling, seier næringssjef Elin Thorsen Kløverød i ei pressemelding.

Gjennom næringsfondet har kommunen sett av 300 000 kroner til å støtte privat næringsliv som vil gå i denne retninga.

Kvar bedrift kan søkja om opptil 30.000 kroner.

– Med Grøn Bjørnafjord-prosjektet har kommune allereie ei fyrtårnsatsing innan grøn konkurransekraft, No utvidar vi denne satsinga for å gje rom for at fleire verksemder kan starte arbeidet med grøn omstilling, seier næringssjefen.

Meir informasjon og søknadsskjema kjem på kommunen si heimeside i ettermiddag.