Denne sykkelen blei stolen frå Varåsen natt til fredag i førre veke. (Privat foto)

Nok eit sykkeltjuveri frå Varåsen

Kostbar sykkel sto i lukka garasje då den forsvann.

Av: Kjetil Vasby Bruarøy

Den siste veka i november blei det stole tre syklar frå Varåsen. Eitt av tjuveria blei filma av overvakingskamera, eit anna blei oppklart av far til eigar.

No har politiet fått melding om nok eit sykkeltjuveri.

– Sykkelen forsvann mellom 6. og 7. desember, altså natt til fredag, fortel politioverbetjent Rune Fimreite.

Den sakna sykkelen er ein racer for herre av merket Bianchi, ein sykkel som kostar 20.000-25.000 kroner ny.

– Den sto i ein garasje då den blei tatt. Garasjeporten skal ha vore lukka, men sidedøra var ulåst.

Politiet er interessert i tips i saka.

Trafikk-kaos på Søfteland

Tysdag i 12-tida fekk politiet melding om kø og farlege situasjonar i trafikken på E39 forbi Søfteland barneskule.

– Ein bil skal ha stått midt i vegen med nødblink på. Då vi kom fram var bilen vekke. Det sto ein parkert og punktert bil i nærleiken, men dette skal ha vore ein annan bil enn den som først fekk problem.

Det blei ikkje behov for dirigering, og patruljen returnerte til Os.

Kattar skremt av fyrverkeri

Politiet var på staden då det i går blei demonstrert fyrverkeri i Særvollsvika.

Alt gjekk fint for seg.

I etterkant fekk politiet melding om to kattar som hadde problem med å roa seg ned etter all støyen, utan at dette førte til nokre operative tiltak.

Frå Nore Neset kom det i går melding om frittgåande høner som var skremt av ein hund, også dette utan behov for vidare oppfølging.

Fleire saker