– Nokon bør gje han ein stol

Torsdag morgon fekk Midtsiden-redaksjonen fleire telefonar med spørsmål om kvifor det står ein kar og filmar i Lepsøykrysset.

– Eg driv med trafikkteljing for vegvesenet, seier Rasmus Bringslid.

– Eller rettare sagt, eg passar på kameraet som filmar trafikken. Det er ein ganske fin jobb for ein student, legg han til.

Med plan om utbetring

I førre veke skreiv vi om vegvesenet sine planar om å gjera krysset tryggare.

Les òg: Vil utbetra Lepsøykrysset

Litt drama

Bringslid filma i går og i dag og skal tilbake i morgon, fredag.

– Kamera går frå 7 til 9 og frå 13.30 til 17. Vegvesenet er interessert i trafikk både på Halhjemsvegen og inn og ut frå Lepsøyvegen.

Kameravakten fortel at han studerer teatervitenskap. Om det er litt rolege dagar medan han er på oppdrag så blir det litt drama innimellom.

– I går kom det ein bort og spurde kor tid i h... vi skulle fiksa ei rundkjøring her.

– Gje han ein stol!

Ein av innringarane til Midtsiden viser omtanke for studenten.

– I går såg eg at han sto og las i ei bok.

– Eg synes no vegvesenet kunne gjeve han ein stol.