Vill jubel etter 3-2-skåring og siger dagens KM-finale. (Foto: Wim Hetland)

Nore Neset/Os er kretsmeistrar!

Snudde kampen og slo noregsmeistrane i KM-finalen.

Av: Kjetil Vasby Bruarøy

Etter 7-0-siger måndag blei Nore Neset/Os J17 sin siste seriekamp også ein kamp om KM-tittelen.

Kampen gjekk mot Fyllingsdalen, som nyleg vann Adidas Cup (uoffisielt NM), og som leia serien før siste runde.

Heimelaget gjekk opp i leiinga ved Andrine Brunvatne Kvittingen, men Fyllingsdalen utlikna før pause.

I andre omgang gjekk gjestane opp i 1-2, men Andrine hadde meir på lur, og heada inn 2-2.

Uavgjort var godt nok for Fyllingsdalen, men ikkje for Nore Neset/Os.

Kort tid før slutt kom sigersmålet. Lenea Hjelle Fløysand blei spelt fri, skrått for keeper, og var iskald åleine med keeper.

Nore Neset/Os vann 3-2!

 Jentene som tok seg til Norway Cup-finale i sommar blei dynka i sprudlevatn etter bragden.

• OPPDATERT: Video, bildeserie og meir om kampen.

Fleire saker