Noregspremiere i Fjellheim

Harry Potter og Dødstalismanane er det sjuande og siste eventyret i serien om Harry Potter. Filmatiseringa har resultert i to filmar kor del 1 har noregspremiere fredag 19. november, medan del to kjem 15. juli 2011.

Blant kinoane med noregspremiere finn vi bygdekinoen i Fjellheim.

- Vi er veldig glad for å få første framsyning av ein ny storfilm i Fjellheim, seier Jonny Haugland på kulturkontoret i Os kommune.

Førre noregspremiere i Fjellheim var i mars då Olsenbanden jr sto på plakaten.

Førehandsalet starta i dag
Førehandsal av billattar skjer frå kundetorget i rådhuset. Billettane kostar 70 kroner stykket. Filmen har fått 11 års aldersgrense.

- Vi har hatt eit jamt bra besøk på bygdekinoen i heile år og ligg blant toppen i Hordaland, fortel Haugland.

- Det er alfa og omega for oss at vi får gode filmar tidleg for å halda på det gode besøket.

Haugland fortel at dei ikkje har påverknadskraft i høve til kva filmar bygdekinoen kjøper inn, men når lista over innkjøpte filmer kjem freistar dei å legga trykk på slik at dei får filmane så tidleg som mogleg.

Lunken mottaking
Harry Potter og Dødstalismanane del 1 hadde førpremiere på Colosseum i Oslo førre veke. Mottakelsen har vore lunken med terningkast 2 hos Dagbladet og ein treer hos Aftenposten.

LES OMTALE AV FILMEN HER

Tre stader i Os
Filmen har premiere i Fjellheim 19. november kl 18.00, men du kan òg sjå filmen i Nore Neset Aktivitetshus onsdag 24. november kl 18.00 eller i ungdomshuset Alvheim på Nordstrøno tysdag 30. november kl 18.00.