Ny butikk på AMFI Os

Lokalet Diddy Toys nyleg flytta ut av blir ikkje ståande tomt lenge.

Kjetil Vasby Bruarøyonsdag 09. mars 2011 15:54

I helga flytta Diddy Toys ut av det 150 kvm store lokalet ved Cubus til det 224 kvm store lokalet VIC i januar flytta ut av.

I dag blei det endeleg stadfesta at Playcom kjem til Os og flyttar inn i gamlelokalet til leikebutikken Diddy.

- Playcom er ein sterk aktør på grossistleddet, og sidan dei sit på både butikk- og leverandørsida, vil dei kunna driva ein god butikk med sunn økonomi.
Vi ser fram til å få denne bransjen inn igjen på senteret, seier Anne Kristine Tøsdal.

Playcom sel musikk, filmar og spel - og butikken på AMFI Os opnar allereie i neste veke.

Den nye butikken erstattar med det Musikkverket, som etter nesten 20 år i senteret la ned måndag 28. februar.

Vi har spurt Tor Owe Rennemo frå Musikkverket om han blir å finna i den nye butikken, men han vil førebels ikkje svara på det.