Ny mann på Oseana

Espen Hjertaas er det siste tilskotet i Oseanastaben. Frå 1. mars tek han til i stillinga som driftsteknikar. Espen kjem frå stillinga som driftsforvaltar av IKT i Helse Vest, og tidlegare også jobba i Telenor.

Espen er fødd og oppvaksen i Os, og er no busett her med sambuar.

Han har i ei årrekke vore engasjert i det frivillige kulturlivet på Os, og mange kjenner han nok frå WT- festivalen, ungdomsklubben, Os Rockeklubb, Ungdom Mot Rus og som lydmann, mellomanna for metalbandet Immortal.

- Espen har ein mangfaldig bakgrunn som vi veit vil passe godt inn og kome godt med på Oseana. Han er ein mann vi gler oss til å få med på laget, seier direktør Kim Kristoffersen i ei pressemelding.