Ny musikkvideo frå Aurora

På VGTV måndag ettermiddag slapp Aurora sin femte musikkvideo, då ho slapp videoen til «I Went Too Far». Sjå dei fire første videoane hennar her.

Til VG fortel ho at det mesteparten av låta skreiv ho då ho var ni år gamal.

– Eg observerte nokon som var modige og snille, men som ikkje forlangde respekten og kjærleiken dei fortente. Då eg vaks opp skjønte eg at den slags skjer over alt, i forskjellig grad, seier Aurora i intervjuet.

– Vi bør ikkje gå ned på kne for å bli anerkjend, elska og akseptert, for dét er ikkje god kjærleik. Kjærleik skal berre vera vakkert. Jo fortare vi lærer det, jo lengre tid har vi til å læra å vera snille mot oss sjølv – og dermed forlange å bli pent behandlet.

Sjå videoen til «I Went Too Far» her.