Ny Ole B-eigar

Bildeserie:

1 av 3

I 2005 blei Reidar Engelsen involvert som eigar i Kafé Ole B, eller rettare sagt selskapet Oleanna Eiendom Invest AS, selskapet som eig bygningen. Men han var også engasjert i driftsselskapet Oleanna AS dei første åra.

- Vi har gjestar frå mange nabokommunar, folk frå Sotra som med faste mellomrom kjem på sundagsbuffet og små og store grupper frå Bergen og Sunnhordland som kjem for å ha selskap.

- Vi gjekk med overskot dei første åra og potensialet er stort, meiner Engelsen, som frå 14. mai har eigd både eigedom og driftsselskap åleine.

Bergensarar ville kjøpa
I august i fjor kom friarar frå Bergen og viste interesse for kafeen til Helge Oksnes. Partane kom langt i prosessen, og rundt årsskiftet var driftsselskapet nesten selt.

Men så gjekk det ikkje i boks likevel, delvis grunna sjukdom av ein av kjøparane. Oksnes var då innstilt på å selja og Reidar hadde byrja å leika med tanken om å overta.

- Så blei vi einige i vår og i mai overtok eg. Etter den gode pinsen og den varme starten på sommaren blei det vått, men ein del førehandsbestilte selskap var med på å gjera at dei første månadane ikkje blei så verst.

- No i haust blir det raspeballar, sundagbuffet og ein god del selskap, også i vekedagane og på dagtid, før julebordssesongen set inn, seier Engelsen.

Leiger ut loftet
Kafé Ole B har kafé, restaurant og pub nede. På loftet har dei også ein pub.

- I den gamle delen av kafeen nede har eg nyleg fått på plass to sofagrupper. Når vi har servering eller LIVE-musikk i den nyare restauranten har sofaene allereie blitt ein populær plass å trekkja seg tilbake, seier Reidar.

I andre etasje har han fått leigetakar. Deler av puben blir skilt av med vegg, og skal bli kontor.

- Då får vi også vekk trappa ned frå altanen, som tar litt for store delar av terrassen ved brygga.

Reidar er open for at andre kan få koma inn og driva puben på loftet. I desse dagar held lokale eldsjeler å med å innreia "Råkk Kafé Ole B", som har opningsfest førstkomande fredag.

Midtsiden.no kjem med meir om "Råkk Kafé Ole B" i eigen sak i dag.