Ny pauseplass

Bildeserie:

1 av 3

Daniel Stølsnes (t.v.) og Øystein Askvik frå Robert Kaastad AS tok seg i dag ein velfortent pause ved Baronselva. I løpet av denne veka reknar dei med å vera ferdige med betongarbeidet på den idylliske plassen i Os sentrum.

- Det har gått betre enn venta, ingen spesielle overraskingar eller utfordringar, fortel dei to.

I neste veke overtar Os Hageservice stafettpinnen, og legg stein på plassen for å få den ferdig til marknadsdagene og Osøren Blues & Jazzfestival siste helga i juni.

I høve overgangen mellom Torget og den nye plassen har Os Sentrumforening organisert ei lita kronerulling for å spandera på seg nokre kvadratmeter med stein utover sjølve Telthusplassen. Til no har dei fått inn 16 000 kroner frå butikkdrivarane på Osøyro.