Ny runde med «Jul rundt svingen»

Bildeserie:

1 av 2

Det som starta som ein internkonkurranse om det mest pynta huset i nabolaget, enda i fjor med eit ønske om å pynta fram julestemning for heile Halhjemsmarka. Det heile vart toppa med utandørs filmframsyning.

I morgon er det på nytt klart for julestemning Halhjem-style.

For heile familien

Kent-Eivind Storum fortel at dei vil setja opp ein julefilm for heile familien.

– Det vert sal av popcorn, hot-dog, boller, kaffi og kakao.

Storum oppmodar alle å kle seg godt etter vêret, og ta gjerne med sitjeunderlag eller noko godt å sitja på, legg han til.

Alle er velkomne

Storum seier at alle som vil er velkomen, og ein treng ikkje sokna til Halhjemsmarka for å ta del.

– Vi har berre lyst å laga noko kjekt for barn og vaksne vi, og då er dette ein open invitasjon til alle som vil sjå film med oss, fortel Storum.

I følgje arrangørane har dei høyrt eit rykte om at julenissen kjem innom…

Ale inntekter frå arrangementet går til Barneavdelingen på Haukeland.